| 原來我已經咁耐冇打日記，對上一次都係關於o岩o岩開學，話咁快而家只係剩下實習，之但係仲有好多野未做，黎緊個星期六宿舍又有function，希望成功啦！ ps-開左facebook，不過打野都係覺得o係xanga打好d，因為無咩人會睇，哈哈！ |
| |
| 嘩，都好耐冇打xanga啦，近排都幾忙，又要返工，又要返學！我而家讀緊樹仁個銜接課程，上個星期上左兩科，感覺好hea，哈哈！最正係唔使做group work，同人夾真係幾煩！ lee個sem都係上兩科，應該十一月頭都完晒啦，到時可以多番d時間啦！ |
| |
| 本身想報city associate of sw，咁o係網上見到佢4月19日有個座談會同即場面試，咁佢寫話如果想盡快安排面試，可以預早send份application form去專上學院。 上個星期二我就寄左去，到今日打去問，佢話封信唔係直接寄去佢地到，係會去左專上學院之後再pass去佢地到。如果佢安排我面試都會係第二次o既座談會，跟住我再問如果我聽日去再填form得唔得，佢竟然同我講話要再俾多次申請費！ 嘩，聽完之後真係火都黎，明明係佢話節省時間可以預早寄去，點知而家仲衰過自行walk in。city哩個associate係額滿即止，都唔知佢第一日in會收幾多人。所以聽完個staff咁講真係覺得city好鬼老套，d制度咁僵化都有。 都係樹仁o既感覺良好d，哈！ |
| |
| 話說我參加左中大校外進修學院o既歷奇導師訓練課程，咁佢除左上堂仲會有d戶外營。今次哩個係過夜o既camp，佢出發前仲brief左我地一陣，話o係三椏村阿發嬸檔野租左村屋，我地做完d訓練就可以o係到休息，費用都只係$50！如果唔租都可以自己紮營o既！ 咁傍晚入到去集合，沿途做下d case，都係好似山藝咁行行下有同學疑似受傷，等帶隊o既同學可以試下點做。做左兩個cases之後就有一個night walk sole，之後仲有個爆林o既遊戲，o係密林入面搵番個播緊歌o既手提電話，都幾好玩ga！ 不過最低b o既係當玩完哩個爆林遊戲，諗住可以去村屋到訓o個陣，佢居然話我地行錯左路，所以要o係原地緊急露宿，真係老套到死。如果真係行錯路都可以原路折返啦，出返市區都唔係問題，點解一定要緊急露宿？有個同學仔係做警察，佢之前就係守烏蛟騰，佢都同我地講只係得一條路，邊到會有路俾我地行錯。哈哈，不過都明知d導師玩野，咁都係唔好講咁多，早d休息好過！ 話時話，wild camp都去過幾次，咁樣o係野外露宿都真係第一次，好在都有件衛衣頂下，事關夜晚都會幾凍。o係路邊到訓都幾難搞，佢又唔係平地，無論點轉身都係會有野頂住，只係可以搵個冇咁頂住o既位黎訓。不過訓o個見到成個天都係星星，好清好靚，真係好難得。 第二朝本身六點半集合，不過我訓到五點半就醒左，之後都訓唔番啦。跟手見到個牌寫住向前行就係三椏村，真係呢．．． 最後個活動o係同學仔o既同心合力底下，好快咁完成之後就返屋企休息啦。總括黎講，如果佢話係作為導師要我地體驗野外露宿都叫合理d，大家都好唔鍾意佢用d咁低b o既理由，話我地行錯路，哈，我地唔細了，行唔行錯路係判斷到ga！ |
| |
| 今朝上左SA搞o既創藝自療workshop，算係認識下咩係創藝！ 佢同art therapy唔同o既係佢唔單止用畫畫去做治療，仲會用其他野例如：drama、photography、music等。上左三個鐘，玩左d活動，都幾得意！首先係自我介紹，佢叫我地幻想而家身處山洞，咁o係山洞講野係會有回音，咁當人地講自己個名時，其他人就要照佢講o既野講三次。另d人講自己個名時要加入節奏黎講，都幾得意！ 另外仲有一個活動我係幾鍾意o既。首先係拎兩張畫紙，一張大一張細，跟住我地用慣用手o係細紙到閉眼塗鴉(亂咁畫)，而不慣用手就o係大o個張到塗鴉。畫o個陣可以分開兩隻手或者兩隻手一齊畫都得。我覺得o係畫緊o個陣真係幾release到d野出黎。畫完之後佢叫我地打直、打橫、上下掉轉咁睇下幅野，跟住搵一個覺得係有意思o既就用其他顏色去加深佢。依佢所講，慣用手係我地o既意識而不慣用手係我地o既潛意識，透過哩個活動就可以釋放佢地出黎。 最後仲有一個活動，佢拎左好多小擺設出黎，叫我地揀一樣係代表到我地自己o既。之後就用d雜誌、報紙，又或者用畫筆去製造一個安全區俾自己。 哩個workshop都幾得意，得閒上下d workshop都可以識多d唔同o既野，不過代價就係返多幾個鐘頭工，我今晚仲要返N ga！ |
| |
